Zvicra kritikohet për mungesën e solidaritetit ndërkombëtar

Zvicra është kritikuar nga organizata e të drejtave të njeriut Amnesty International që ka treguar shumë pak solidaritet me vendet e varfra, për miratimin e ligjeve “drakoniane” antiterrorizëm dhe për përgjigjen e saj kufizuese të të drejtave ndaj Covid-19.

“Midis marsit dhe qershorit, qeveria u sundua nga kompetencat e emergjencës në përgjigje të pandemisë Covid-19, duke ndikuar në një sërë të drejtash”, shkruajti ajo në raportin e saj vjetor për 2020/21, botuar të mërkurën, shkruan swissinfo.ch, përcjell albinfo.ch.

“Në fillim të pandemisë, policia nuk kishte udhëzime të qarta për të zbatuar masat emergjente dhe të kufizuara, në mënyrë disproporcionale të drejtën e protestuesve për lirinë e tubimit paqësor…”

“Ne mund ta thyejmë këtë ngërç vetëm duke punuar së bashku ndërkombëtarisht. Vendet e G-20 dhe institucionet financiare ndërkombëtare duhet të ofrojnë shkurtime borxhi për vendet më të varfra, në mënyrë që ata të mund të përballen me pandeminë”, tha Alexandra Karle, drejtoreshë ekzekutive e sektorit zviceran të Amnesty International.

Vendet më të pasura duhet të sigurojnë që të gjithë në botë të kenë akses të shpejtë në vaksina, pa pagesë, tha ajo.

“Kompanitë farmaceutike duhet të ndajnë njohuritë e tyre. Zvicra, gjithashtu, duhet të tregojë më shumë solidaritet në pandemi dhe të braktisë rezistencën e saj ndaj një relaksimi të përkohshëm të rregullave të pronësisë intelektuale për vaksinat Covid-19″.

Në kapitullin e saj mbi Zvicrën, Amnesty International gjithashtu denoncoi mosgatishmërinë e qeverisë për të pranuar një numër më të madh refugjatësh nga ishujt grekë”, megjithëse disa qytete të mëdha ofruan vendet e zhvendosjes”, përcjell tutje albinfo.ch.

LAJME INTERESANTE NGA INTERNETI