Lajme
Zvicra kundër presionit të fqinjve, mban të hapura zonat e skijimit
Këshilltari Federal Alain Berset përfundimisht është shprehur kështu para mediave: "Zonat e skive të Zvicrës do të qëndrojnë të hapura"
Rreth tri javë para pushimeve të Krishtlindjeve dhe në fillim të sezonit të skive në Alpe, është hapur për diskutim një temë e re në BE, për shkak të pandemisë së koronavirusit, shkruan srf.ch.
A duhet që zonat e skitarisë të qëndrojnë të mbyllura deri në mes ose në fund të janarit apo jo?
Austria dhe Zvicra janë për mbajtjen hapur por Gjermania dhe Italia janë qartazi për mbylljen e tyre, treansmeton albinfo.ch. Pyetja kryesore në këtë pikë është se sa i madh është rreziku i infektimit gjatë skijimit.
Por, pavarësisht nga kjo, për ekspertët zviceranë të turizmit është absolutisht e qartë: Këshilli Federal duhet të qëndrojë fuqishëm kundër mbylljes.
Deputeti i Dhomës së Kantoneve të Parlamentit të Zvicrës, Hans Wicki (FDP / NW) njëherësh kryetar i “Seilbahnen Schweiz” (teleferikët e Zvicrës) rekomandon që Këshilli Federal “të qetësohet dhe të përdorë mendjen e shëndoshë. Çdokush mund të bëjë atë që dëshiron të bëjë. Secili është farkuesi i lumturisë së vet. Por ne nuk kemi pse të ndjekim të gjitha budallëqet që po bëhen rreth nesh”, ka thënë ai, duke pasur parasysh qëndrimet e fqinjve, Gjermanisë dhe Italisë në këtë drejtim
Përgjegjësit për turizmin dimëror kanë lobuar rreth kësaj çështjeje tek të gjithë këshilltarët federalë (ministrat) veç e veç, përcjell albinfo.ch.
Ndërkaq, të enjten Këshilltari Federal Alain Berset përfundimisht është shprehur kështu para mediave: “Zonat e skive të Zvicrës do të qëndrojnë të hapura”.
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjeneva, më e pasur Qyteti i Gjenevës ka zbuluar se llogaritë e tij do të tregojnë një tepricë prej 200...
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë