Lajme
Zvicra miraton sanksionet shtesë të BE-së kundër Rusisë
Në një konferencë për media, të mbajtur në orët e pasdites, Qeveria e Zvicrës ka prezantuar masat e ndërmarra shtesë
Këshilli Federal i Zvicrës ka pranuar sot pakot tjera të sanksioneve të BE-së kundër Rusisë. Masat e reja të miratuara kanë të bëjnë veçanërisht me mallrat dhe financat.
Në një konferencë për media, të mbajtur në orët e pasdites, Qeveria e Zvicrës ka prezantuar masat e ndërmarra shtesë.
Këshilli Federal thekson se sanksionet po zbatohen në përputhje me statusin e neutralitetit që ka Zvicra.
Sanksionet përfshijnë:
Eksporti i të gjitha mallrave me përdorim të dyfishtë (d.m.th. civil ose ushtarak) në Rusi tani është i ndaluar.
Ndalohet eksporti i mallrave që mund të kontribuojnë në forcimin ushtarak dhe teknologjik të Rusisë ose në zhvillimin e sektorit të mbrojtjes dhe sigurisë.
Eksporti i mallrave dhe shërbimeve të caktuara në sektorin e naftës në Rusi nuk lejohet më.
Ndalohet eksporti i mallrave dhe teknologjive të caktuara të përdorura në lëmin e hapësirës ajrore.
Nuk lejohen më transaksionet me Bankën Qendrore të Rusisë.
Këshilli Federal ka vendosur gjithashtu të miratojë edhe sanksionet e BE-së në sektorin financiar. Në këtë pikë është prekur veçanërisht Rrjeti ndërkombëtar i komunikimit SWIFT .
Janë bllokuar gjithashtu edhe pasuritë e njerëzve të tjerë me lidhje të ngushta me presidentin rus Putin – sipas listës së BE-së.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit