Fun
Çifti shqiptar në Zvicër “pushton” Instagramin, rreth 100 mijë ndjekës
Një çift shqiptar që jeton në Zvicrën lindore është bërë shumë i njohur në Zvicër. Mërgimja dhe Xhemi kanë arritur të kenë mbi 100 mijë ndjekës në Instagram. Një video e tyre është shpërndarë edhe nga një këngëtare e njohur e muzikës shqiptare.
“Se do të kemi kaq shumë ndjekës, nuk e kemi menduar kurrë”, thotë Mergime Aliu. 22 vjeçarja dhe bashkëshorti i saj Xhemi ndiqen në profilin e tyre në Instagram (“mr.mrs.aliu”) nga rreth 100 mijë njerëz, shkruan “20min.ch”, përcjell “albinfo.ch”.
Këtë profil, çifti e ka hapur para rreth një viti: Një faqe shqiptare i ka shpërndarë videot e çiftit Aliu. “Fillimisht ata i kanë pyetur disa ndjekës”, kujton Megi kohën kur e kanë emërtuar edhe profilin e tyre. Pastaj çifti vendos që profilin ta bëjë publik.
Komentet që shkruhen nga ndjekësit e tyre si: “çifti më i mirë”, “Ju jeni më të mirët” apo “një çift shumë i ëmbël”, janë të panumërta. “Në ditët e sotme është shumë e vështirë të gjesh një dashuri të vërtetë. Mendoj se Xhemi dhe unë jemi një model shpresëdhënës për çiftet tjera”, ka thënë floktarja e kualifikuar, njofton “albinfo.ch”.
Ajo dhe Xhemi përmes fotove dhe videove e tregojnë edhe dashurinë e tyre ashtu siç është në të vërtetë. Kjo shihet edhe nga komentet e përgjithshme në internet: “Ju ndjek juve sepse jeni shumë simpatikë. Sidomos vërehet se ju vërtet e dashuroni njëri -tjetrin” shkruan një ndjekëse 20 vjeçare nga Lozana.
As në jetën e çiftit Aliu nuk është gjithçka perfekte
Edhe tek çifti Aliu nuk është gjithçka si në përralla. “Nuk ka lidhje apo çift bashkëshortor ku është gjithçka perfekt. Edhe ne i kemi mospajtimet tona nganjëherë me njëri tjetrin”, thotë Megi.
Çifti është njohur para gjashtë viteve falë “Facebook”. Xhemi nga Flawili i Sant Gallenit e poston një shprehje dashurie, ndërsa më poshtë i shkruan atij Megi nga Oberrieti i Sant Gallenit. Pas shtatë ditësh ata u takuan. Sot çifti jeton në Flawil.
Me bashkëshorten e tij Mërgimen, ai kurrë nuk është i mërzitshëm, thotë poli-mekaniku. “Në video mund të shihet që unë jam pak fëmijëror. Megi me qëndron gjithmonë pranë dhe ajo me pranon kështu siç jam”.
Pas shpërndarjes së videove nga një faqe e internetit, rritet numri i ndjekëseve shumë lartë.
Dashuria në mes çiftit u vulos me 6 gusht 2014 me një martesë tradicionale në vendlindjen e Xhemit në Shkup. Më 21 dhjetor të vitit 2015 vejnë kurorë në Zvicër. Ata nuk duan ta zbulojnë nëse kanë planifikuar për të sjellë në jetë ndonjë fëmijë.
Verën që shkoi këngëtarja e njohur shqiptare Enca e shpërndau një video të “mr.mrs.aliu” dhe që atëherë ata kanë pranuar oferta nga kompani të ndryshme për reklamë. “Firma komerciale na kanë dhënë në dispozicion që t`ua prezantojmë veshjet e tyre në fotografitë tona. Për këto veprime, ne kemi marrë diçka provizion”, thotë Mërgime Aliu.
(Fotot nga instagram “mr.mrs.aliu” )
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën