AUTOTECH

Facebooku ndalon reklamat për kriptovaluta

Facebooku ka thënë se do të bllokojë çdo reklamë promovimi për produkte dhe shërbimet lidhur me kriptovalutat.

Kompania ka thënë se ishte e hapur për teknologjitë e reja, por ka shtuar se shumë kompani “shkelën” besimin duke nxitur skajshmërisht blerjen e valutave digjitale.

Së fundmi, një valë e re e valutave ka shpërthyer, duke nxitur rritje të valutave të shumta.

Rrjeti social ka kërkuar nga përdoruesit të raportojnë çdo reklamë që shkelë masat e sigurisë së kompanisë, transmeton Albinfo.ch.

Facebooku pranoi se nuk është në gjendje që vetë të ndalë çdo reklamë për kriptovaluta.

“Ne duam që njerëzit të vazhdojnë zbulimin dhe të mësojnë për produkte dhe shërbime të reja përmes reklamave të Facebookut pa gënjeshtra dhe mashtrime”, ka shkruar Rob Leathern, drejtor për produkte në Facebook Business. “Kjo pas që ka shumë kompani që reklamojnë opsione tjera që nuk operojnë me qëllim të mirë”.