Shkurt.ch
Sommaruga, në vizitë pune në Serbi
Në qendër të bisedimeve dypalëshe kanë qenë partneriteti në mes dy vendeve në fushë të migracionit dhe bashkëpunimi ndërmjet policive të dy vendeve
Ministrja federale Simonetta Sommaruga ka qëndruar sot në Serbi për një vizitë pune. Ajo është pritur në Beograd nga zëvendëskryeministri serb, Nebojsa Stefanoviç. Në qendër të bisedimeve dypalëshe kanë qenë partneriteti në mes dy vendeve në fushë të migracionit dhe bashkëpunimi ndërmjet policive të dy vendeve.
Sommaruga, e cila udhëheq ministrinë e drejtësisë dhe policisë ka vënë theksin në “përparimet e vendit partner (Serbisë) drejt ndërtimit të një sistemi funksional të azilit”, thuhet në një komunikatë për medie të dërguar nga Departamenti i drejtësisë dhe policisë (EJPD).
Në kuadeër të partneritetit në fushë të migrimit, të lidhur në vitin 2009, Berna mbështet një numër projektesh në Serbi.
Gjatë qëndrimit të saj në Serbi, Sommaruga ka vizituar qendrën për strehim të azilkërkuesve në Krnjaca, ku është takuar me zyrtarët po dhe me azilkërkuesit e kësaj qendre. Po ashtu ajo ka vizituar një ndërmarrje sociale që merret me trajtimin e viktimave të trafikimit me qenie njerëzore.
Sommaruga ka folur me fjalë miradie për funksionimin shumë të mirë të bashkëpunimit policor në mes të Zvicrës dhe Serbisë.
Një atashe policor zviceran i instaluar në Beograd, nga viti 2011 ka përpunuar më shumë se 300 raste nga kjo sferë, thuhet në komunikatën e EJPD-së.
Nga ana tjetër Zvicra në kuadrin e angazhimit të saj për paqe dhe siguri ka investuar në Serbi mbi 400 milionë franga.
Raportet në mes dy vendeve i bën edhe më të fuqishme fakti se në në Zvicër jetojnë mbi 185.000 njerëz me prejardhje nga Serbia.
Sommaruga, pas Serbisë, do të vazhdojë rrugën për në Bullgari ku ajo të enjten merr pjesë në një takim të këshillit të ministrave të brendshëm dhe të drejtësisë të evdneve të BE-së.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën