Kosova
Bekim Jashari jep mesazhin e tij në përmbylljen e Epopesë së lavdishme të UÇK-së
Kujtesa historike nuk është vetëm detyrë, por obligim madhor për të gjithë brezat e shqiptarëve, në mënyrë që të nxjerrim mësim nga e kaluara për ta përballuar dhe ndërtuar më lehtë dhe më me sukses të ardhmen tonë.
Kështu u tha në një program artistik në përmbyllje të Epopesë së lavdishme të UÇK-së, me rastin e 23-vjetorit të rënies heroike të komandantit legjendar të UÇK-së Adem Jashari dhe familjes së tij.
Për shkak të gjendjes me pandeminë COVID-19, ky aktivitet është mbajtur pa praninë e publikut, duke respektuar kështu masat e institucioneve shëndetësore vendore.
Kryetari i Komunës së Skenderajt Bekim Jashari tha se ishte kënga ajo që mbajti gjallë frymën tonë patriotike, shpresën për liri dhe pavarësi dhe ishte zëri i protestës që trokiste në ndërgjegjen e ndërkombëtarëve për ndërhyrje në ndaljen e gjenocidit serb në Kosovë.
“22 vjet pas çlirimit të vendit, falënderoj të gjithë këngëtarët tonë që i kënduan UÇK-së, luftës heroike që zhvillohej nga të moshuarit e deri te fëmijët. Ata që i kënduan lirisë dhe ata që mbajtën gjallë shpresën se liria po vjen. Ju që nuk u ndalët asnjëherë në nderim të jetë dhe veprës heroike të komandantit legjendar Adem Jashari, dëshmorëve e martirëve dhe gjithë historisë sonë të lavdishme ju falënderoj nga zemra dhe ju bëj thirrje që të vazhdoni të jeni të bashkuar, sepse vetëm kështu mund të jetësojmë amanetin e dëshmorëve tonë. Lavdi, heronjve, dëshmorëve dhe të gjithë atyre që ranë për lirinë e vendit”, tha Jashari.
Sonte në Prekaz është ndezur flakadani për Natën e Zjarreve dhe është mbajtur një koncert në nderim të 23-vjetorit të Epopesë së lavdishme të UÇK-së, rënies së komandantit legjendar të UÇK-së Adem Jashari dhe familjes së tij në një luftë skajshmërish të pabarabartë, shkruajnë mediat kosovare, përcjell albinfo.ch
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane