Shqipëria

18 raste të reja me Covid-19 në Shqipëri

E premte, 16 Korrik 2021 - 20:00 albinfo.ch

Ministria e Shëndetësisë njofton se në 24 orët e fundit janë shënuar 18 raste të reja nga 3621 testime të kryera dhe asnjë humbje jete si pasojë e koronavirusit.

Kanë rezultuar pozitivë me Covid 18 qytetarë, në këto bashki: 7 raste në Shkodër, 4 në Tiranë, 3 në Durrës, nga 1 rast në Elbasan, Lezhë, Kamëz, Peqin.

Aktualisht janë 124 pacientë aktivë me COVID19 në të gjithë vendin, ndërsa në Spitalin Infektiv po marrin trajtim spitalor të specializuar 5 pacientë. Ne 24 orët e fundit nuk ka asnjë humbje jete me Sars-Cov2 pozitiv. Ndërkaq, janë shëruar 6 qytetarë gjatë 24 orëve të fundit, duke e çuar numrin e të shëruarve në 130,067 që nga fillimi i epidemisë.