18-vjeçari Hektor Krasniqi lë futbollin austriak për Dukagjinin e Klinës 

Hektor Krasniqi është një nga talentet që po ndiqet me shumë interes.

Ky i ri u rikthye nga Austria këtë verë për t’iu bashkuar skuadrës së Dukagjinit të Klinës dhe për të ndihmuar ekipin në arritjen e objektivave të këtij sezoni.

Në moshën 18-vjeçare, ai ka bërë debutimin e tij në Superligën e Kosovës gjatë ndeshjes kundër Dritës.

Krasniqi luan si mbrojtës dhe ka treguar cilësi të spikatura për moshën e tij në paraqitjet e para.

Ai shprehet i kënaqur që është pjesë e skuadrës, e cila ka regjistruar tri fitore në tri ndeshjet e fundit.

Hektori ka lindur dhe është rritur në Austri, ku gjithashtu është formuar si futbollist. Megjithatë, ai ka zgjedhur të vijojë karrierën e tij në Kosovë për të synuar suksese më të mëdha.