Kosova
2000 gra e çojnë në gjykatë Qeverinë e Zvicrës
Çfarë pretendojnë ato?
Raportohet se më shumë se 2000 gra e kanë çuar Qeverinë zviceriane në gjykatë me pretendimin se politika e saj për ndryshimin e klimës po shkel të drejtën e tyre për jetë dhe shëndet, përcjell albinfo.ch.
Kjo ka ardhur pasi temperaturat në Zvicër po rriten më shpejt se mesatarja globale dhe valët e të nxehtit janë gjithnjë e më të shpeshta.
Gratë zvicerane, të cilat e quajnë veten “Klubi i të Moshuarve të Klimës” dhe kanë një moshë mesatare 73 vjeç, thonë se ndryshimi i klimës po rrezikon të drejtat e tyre, shëndetin dhe madje, edhe jetën e tyre. Provat e tyre që kanë paraqitur në gjykatë përfshijnë të dhënat e tyre mjekësore.
Ata kërkojnë që Gjykata e të Drejtave të Njeriut të urdhërojë Zvicrën të punojë më shumë në reduktimin e emetimeve të gazeve serrë.
“Kjo është një ngjarje historike”, tha 64-vjeçarja Anne Mahrer, një anëtare e klubit, për agjencinë e lajmeve AFP.
Ajo shtoi se ndryshimet klimatike prekin të moshuarit në mënyrë disproporcionale për shkak të rreziqeve kardiovaskulare dhe të frymëmarrjes.
Observatori Evropian i Klimës dhe Shëndetit thotë se rritjet e parashikuara të temperaturës mesatare ka të ngjarë të kenë ndikime serioze në shëndetin publik në gjithë Evropën, veçanërisht tek të moshuarit. Sipas raportit të këtij institucioni, në 20 vjetët e fundit vdekshmëria e lidhur me nxehtësinë tek njerëzit më shumë se 65 vjeç në Evropë është rritur me më shumë se 30%.
Qeveria zvicerane nuk e mohon se ndryshimi i klimës mund të ndikojë në shëndetin e njerëzve, por thotë se nuk mund të lidhet në mënyrë specifike me shëndetin e grave të moshuara.
E-Diaspora
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Zvicër
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër Kushdo që merr këtë letër dhe nuk e identifikon si mashtrim, sigurisht që do të ketë...
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit