Lajme
3 mijë punonjës shëndetësie humbin vendet e punës në Francë
Vaksinat tani janë me detyrim për kujdesin mjekësor, kujdesin në shtëpi dhe punonjësit e urgjencës në Francë.
Ministri i Shëndetësisë, Olivier Veran, në Francë ka pezulluar nga puna rreth tre mijë punonjës të shëndetësisë, të cilët ishin të pavaksinuar.
E mërkura është afati i fundit që personeli i tillë të ketë të paktën një dozë të vaksinës.
Nëse nuk arrin këtë, ata përballen me pagën e pezulluar, ose me pamundësinë për të punuar.
Më shumë se 90% e punonjësve të kujdesit shëndetësor francez janë të vaksinuar, tha zëdhënësi i qeverisë, Gabriel Attal.
Veran tha se “Dhjetëra punonjës dhanë dorëheqjen, duke kundërshtuar vaksinën. Por, në Francë janë rreth 2. 7 milionë punonjës shëndetësorë, çka bën që kujdesi shëndetësor të jetë i siguruar”.
Autoriteti Shëndetësor Francez, Sante Publique, vlerëson se më pak se 12% e stafit të spitalit dhe rreth 6% e mjekëve në praktikën private nuk janë vaksinuar.
Aktualisht, pak më pak se 47 milionë francezë të moshës 12 vjeç e lart janë plotësisht të vaksinuar, që përfaqësojnë 81.4% të popullsisë; 86.1% kanë marrë të paktën një goditje.
“Një numër i madh i këtyre pezullimeve do të jenë të përkohshme”, tha Veran për radio RTL.
Numri i rasteve në Francë ka rënë.
Tani ka rreth 10 mijë raste të reja pozitive në ditë, që do të thotë kufizimet shëndetësore, përfshirë lejen shëndetësore që kërkon që njerëzit të jenë të vaksinuar, të jenë shëruar nga COVID-19 ose të kenë teste negative për të hyrë në bare, restorante, kinema, muze dhe vende të tjera publike, duhet të qëndrojë.
“Situata është përmirësuar ndjeshëm, falë vaksinimit masiv të popullsisë franceze, falë gjesteve penguese dhe vigjilencës së njerëzve”, tha Veran.
“Epidemia nuk ka mbaruar, por ne po e zvogëlojmë atë me 30% raste në javë, kështu që jemi në drejtimin e duhur dhe duhet të vazhdojmë ta bëjmë këtë”.
Veran kërkon që vaksina të bëhet me detyrim për punonjësit.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla