Lajme
3 muaj paraburgim për kosovarin, shkaktar i ndeshjes me dy të lënduar
Vendimtare për shqiptimin e kësaj mase është, sipas zëdhënësit, rreziku nga mundësia që i burgosuri të ndikojë te dëshmitarët os të merret vesh me ta
Një të riu kosovar, shkaktar i aksidentit në të cilin një nënë dhe vajza e saj morën lëndime me rrezik për jetën, i është shqiptuar masa e burgut për hetime për tre muajt e ardhshëm, shkruan sda.ch. Kjo masë është vendosur ndaj tij pasi që ai të shtunën e kaluar në Dietikon të Cyrihut, duke e ngarë veturën e tij (BMW) në korsinë e kundërt, transmeton albinfo.ch. Për pasojë, ai ka rrezikuar jetën e një gruaje 42 vjeçe që po e ngiste makinën e saj në mënyrë korrekte dhe të vajzës së saj 4 vjeçe.
Lajmin për agencinë SDA e ka konfirmuar një zëdhënës i Prokurorisë së Lartë të Cyrihut, nën kompetencat e të cilës hyn edhe Dietikoni. Vendimtare për shqiptimin e kësaj mase është, sipas zëdhënësit, rreziku nga mundësia që i burgosuri të ndikojë te dëshmitarët os të merret vesh me ta, transmeton albinfo.ch.
Nga përplasja, lëndime të lehta ka marrë dhe shkaktari i ndeshjes dhe personi që ishte në makinë me të.
20-vjeçari është arrestuar të hënën. Prokuroria ka iniciuar një procedurë, veç tjerash për veprën penale të “raserizmit” (ngarjes së shpejtë dhe të rrezikshme të makinës) dhe të shkaktimit të lëndimit trupor. Ekziston supozimi shumë i besueshëm se kosovari po zhvillonte shpejtësi të madhe me makinën e tij, thuhet në akuzë.
Veç kësaj, prokuroria ka iniciuar ndaj 20-vjeçarit edhe procedurën për mosofrim të ndihmës së parë dhe për mashtrim të drejtësisë. Është arrestuar përkohësisht po ashtu edhe shoqëruesi i shoferit në makinë dhe qiradhënësi, që i ka dhënë me qira shkaktarit të ndeshjes makinën e fuqishme. Të dy janë liruar ndërkohë.
Lidhur me gjendjen shëndetësore të gruas dhe vajzës së saj, të dyja të lënduara rëndë, në prokurori dhe as në polici nuk ka pasur informacione deri pasditen e të enjtes.
Të tjera nga Lajme
E-Diaspora
-
Shkolla shqipe në SHBA me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria “Sfida dhe suksesi në karrierë” ishte tema e simpoziumit të Lidhja e Mjekëve Shqiptarë të Zvicrës...
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së
-
Qendra prezanton dy iniciativa për taksim më të mirë për të martuarit
-
Swissmedic ngre alarmin kundër ilaçeve të paligjshme për humbje peshe