Bota
6 të vdekur për 24 orë në Gjermani si pasojë e aksidenteve në ujë
“Bild” raportoi se në shtatë muajt e parë të këtij viti ka pasur më shumë aksidente në ujë, se sa gjatë tërë vitit të kaluar
Gjermania po përjeton valën e të nxehtit derisa qytetarët zgjedhin të freskohen në liqene e lumenj.
Por, kjo mund të jetë e rrezikshme, pasi në vetëm 24 orë janë regjistruar gjashtë viktima, shkruan “The Local”.
Të hënën pasdite, policia gjermane e ka konfirmuar vdekjen e një djali gjashtë-vjeçar, i cili ishte dërguar në spital të dielën, pas një aksidenti duke notuar në liqen Neumühlsee në Baden-Württemberg, përcjell albinfo.ch.
Natyra e aksidentit mbeti e paqartë, por tragjedia ishte e fundit në një varg aksidentesh fatale në Gjermani.
Gjatë një periudhe 24-orëshe në fillim të kësaj jave, gjashtë vetë vdiqën si pasojë e aksidenteve në ujë, njoftoi “Bild” të hënën.
Në Küssaburg, pranë kufirit zviceran, një burrë i moshuar u mbyt derisa ishte duke lundruar. 83-vjeçari u gjet pasi shoku i tij dhe disa të tjerë njoftuan policinë. Pas një aksioni të përbashkët shpëtimi nga autoritetet zvicerane dhe ato gjermane, shpëtuesit nuk ishin në gjendje ta shpëtonin atë.
Rasti i tretë ka ndodhur Baden-Württemberg, ku një person është gjetur i vdekur, derisa dyshohet se ishte nën ndikimin e alkoolit.
Një rast tjetër ishte i një 13-vjeçari, i cili në qytetin bavarez Ulm, fillimisht është shpëtuar nga zhytësit, por më pas autoritetet kanë konfirmuar se kishte vdekur të hënën. Gjithashtu një 23-vjeçar nuk kishte arritur të shpëtojë pasi kishte hyrë gabimisht në thellësi të një liqeni.
“Bild” raportoi se në shtatë muajt e parë të këtij viti ka pasur më shumë aksidente në ujë, se sa gjatë tërë vitit të kaluar.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)