Koronavirusi: çast pas çasti

8 muaj pezullim nga puna nëse refuzojnë vaksinën

Në Itali ka filluar dhënia e vaksinave anti-Covid 19, derisa ka edhe sanksione ndaj atyre që refuzojnë

Punonjësit e shëndetësisë në shtëpitë e kujdesit për të moshuar do të pezullohen nga puna për 8 muaj nëse refuzojnë të bëjnë vaksinën e koronavirusit.

Giovanni Belloni, një mjek në provincën e Pavias dhe presidenti i Shoqatës Italiane të Mjekëve ka dhënë këtë mendim pasi ka pasur anëtarë të stafit në Pavia që kanë dalë kundër vaksinës.

“Ne duhet të bëjmë një dallim mes atyre që nuk duan të vaksinohen për arsye të caktuara shëndetësore, si prezenca e tumorit. Ata do të pezullohen nga puna, por do të paguhen. Ndërsa të tjerët që refuzojnë vaksinën, do të pezullohen nga puna për 8 muaj dhe nuk do të paguhen”, tha Belloni në një intervistë për ‘Repubblica’, transmeton TCH, përcjell albinfo.ch.

Deri para disa ditësh, në provincën e Pavias, vetëm 40% të punonjësve të shëndetësisë ishin pro vaksinës. Profesori shpjegoi rëndësinë e vaksinimit duke thënë se është e domosdoshme për të ndikuar në uljen e rasteve me koronavirus.


LAJME INTERESANTE NGA INTERNETI