Bëhu malazez për gjysmë milioni euro?

Kjo nuk është përpjekja e parë që qeveria të vendosë shtetësinë ekonomike. Pesë vjet më parë qeveria kishte në plan që shtetësinë malazeze ta ofrojë për gjysmë milioni

A mund ta “bleni” shtetësinë malazeze? Kjo çështje është tematizuar nga kryeministri Milo Gjukanoviq, i cili  tha se Mali i Zi do të prezantojë shtetësinë ekonomike. Kjo nuk është përpjekja e parë që qeveria të vendosë shtetësinë ekonomike. Pesë vjet më parë qeveria kishte në plan që shtetësinë malazeze ta ofrojë për gjysmë milioni.

Gjukanoviq ka shpjeguar se Qeveria ka miratuar akte nënligjore për shtetësinë ekonomike.

Tentativa nuk  ishte e suksesshme, pasi BE, veçanërisht Gjermania, janë në kundërshtim me këtë ide.

Bashkimi Evropian ka kërkuar direkt nga qeveria në Podgoricë heqjen e programit, por theksoi se rregullat në këtë fushë duhet të jenë në përputhje me Konventën Evropiane mbi Shtetësinë. Qeveria e Malit të Zi kishte sugjeruar se është duke hequr dorë nga shtetësia ekonomike.

Kryeministri Milo Gjukanoviq beson se tani nuk do të jetë një rast i tillë, duke shtuar se që nga viti 2010, kur Mali i Zi për herë të parë në janar doli me ide për shtetësi ekonomike, shumë vende, edhe në Evropë, kanë adoptuar një model të tillë të rritjes ekonomike. Gjithashtu ata shpresojnë se nuk janë shumë vonë për të tërhequr investitorë në Mal të Zi.
Për një ndryshim në Kushtetutën e Malit të Zi duhen votat e shumicës së deputetëve.