Çeku mori premtime për ndihmë nga homologu i tij maqedonas

Sot në Prishtinë ka qëndruar për vizitë zyrtare ministri i mbrojtjes i Maqedonisë, Zoran Konjanovski.

Interesi i përbashkët i Maqedonisë dhe Kosovës është integrimi i plotë i rajonit në NATO dhe BE, deklaroi në Prishtinë ministri i Mbrojtjes, Zoran Konjanovski pas takimit me homologun e tij nga Kosova, Agim Çeku.

Maqedonia e ka filluar procedurën e emërimit të atasheut ushtarak jorezident në në Kosovë, dhe nga viti 2012 do të ketë përfaqësuesin e saj në ekipin këshilldhënës të NATO s në Kosovë, ka thënë Konjanovski.

Ministri i FSK së, Agim Çeku, theksoi se ka marrë mbështetje të fuqishme nga Konjanovski se Maqedonia do ta mbështesë Prishtinën për integrimin sa më të shpejtë në programin Partneriteti për Paqe dhe në struktura tjera të NATO-s.