Parlamenti i Kosovës hap dyert për mërgimtarët

Edhe pse ka mbetur vetëm premtimi që diasporës t’i rezervohen disa vende në Parlamentin e Kosovës, kryetari i legjislativit Kosovar, Kadri Veseli, ka vendosur të hapë dyert për dy ditë për të gjithë mërgimtarët, më 21 dhe 22 korrik 2016. Bëhet fjalë për aktivitetin tradicional, “Bashkatdhetarët në Kuvend”.

Pritja qendrore organizohet të enjten, më 21 korrik, në orën 11:00.

“Të gjithë bashkatdhetarët, të cilët dëshirojnë ta vizitojnë Kuvendin e Kosovës dhe të takohen me deputetë, janë të mirëpritur dhe ftohen t’i bashkëngjiten këtij aktiviteti”, thuhet në një njoftim për media të Parlamentit kosovar, përcjell albinfo.ch.