Lajme
Vijnë emigrantët, euro dobësohet në Shqipëri
Monedha vendëse në Shqipëri është forcuar ndjeshëm ndaj monedhës së përbashkët evropiane, euro.
Të gjithë ju që keni planifikuar të shkoni në Shqipëri për pushime mos pritni që do të merrni shumë lekë në këmbim të eurove.
Sipas kursit zyrtar të këmbimit valutor të Bankës së Shqipërisë, një euro u këmbye me 136.48, që sipas ekspertëve të agjencive të këmbimit valutor në Tiranë është një nivel historik, më i ulëti i arritur që nga gushti 2012, kur një euro u këmbye me afërsisht 136.5 lekë.
Megjithatë, ekspertët e vlerësojnë, sipas mediave në Tiranë, si një sjellje normale rënien e euros.
Sipas tyre, kjo sjellje e euros ndaj lekut mund të jetë për shkak të sezonit turisitik, apo edhe për shkak të emigrantëve që vijnë për pushime në Shqipëri.
Po ashtu ekspertët thonë, sipas “Koha Jonë”, se mund të jetë edhe arsye se kompanitë janë në periudhën kur duhet të shlyejnë detyrimet e pagesës së TVSH-së dhe në kushtet kur kanë mungesë likuiditeti, janë të detyruara të prekin rezervat në euro.
Po ashtu si shkaktarë janë radhitur edhe punimet për realizimin e projektit të gazsjellësit TAP, çka nënkupton se është rritur angazhimi i firmave shqiptare që punojnë si nënkontraktore.
Ndërkohë është vështirë të bëhet një parashikim nëse kjo tendencë do të vazhdojë gjatë, megjithatë thonë se mund të kemi luhajtje të tilla deri në pjesën e dytë të muajit gusht.
Kursi zyrtar i këmbimit:
USD / LEK 123.32
EUR / LEK 136.48
GBP / LEK 162.84
CHF / LEK 125.49
Të tjera nga Lajme
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla