Alarmante, martesat me të mitur në Gjermani

Regjistri gjerman i shtetasve të huaj ka lëshuar një informacion sipas të cilit raportohet për 1.475 martesa të të huajve, që jetojnë në Gjermani.

Sipas një zyrtari të regjistrit, numri aktual i të miturve, të cilët janë të martuar është edhe më i madh për shkak se nganjëherë martesat janë e rregulluar në mes të prindërve ndërsa  nuk janë verifikuar nga institucionet gjermane, shkruan albinfo.ch

Sipas informatave të  lëshuar nga partia e “Gjelbërve”, shumica e këtyre fëmijëve janë të gjinisë femërore (1.152). Midis tyre, shumica prej tyre fëmijë të refugjatëve nga Lindja e Mesme, por shumë prej tyre vijnë nga vendet e BE-së. Në listën e martesave të të miturve në Gjermani prinë  Siria (664), pasuar nga Afganistani (157), dhe ka Bullgaria (65), Polonia (41) Rumani (33) dhe Greqia (32), transmetojnë mediat gjermane.

Shumica e martesave me të mitur ishin të lidhur ndërmjet 16 dhe 18 vjeç, dhe ka 361 fëmijë nën moshën 14 vjeç, të cilët janë të martuar ligjërisht. Në Gjermani mund të lidhin partnerët martesë mbi 18 vjet, dhe në disa raste ka përjashtime për personat mbi 16 vjeç.

Disa zyrtarë politikë kërkojnë të ndalohen martesat me të mitur, pavarësisht nga origjina e partnerëve, sepse në shumicën e rasteve bëhet fjalë për nuset nën moshë, që ishin martuar me forcë nga partnerët e vjetër. Problemin me martesat me të mitur tani e ka marrë përgjegjësinë një grup i posaçëm pune në Ministrinë e Drejtësisë.