Ajeti ende jashtë fushave

Arlind Ajeti po vazhdon fazën e rikuperimit dhe ende nuk është i gatshëm për t’u kthyer në fushat e blerta

Mbrojtësi i Kombëtares shqiptare, Arlind Ajeti vazhdon periudhën e riaftësimit nga dëmtimi që pësoi gjatë fazës përgatitore me Torinon në mesin e muajit gusht, shkruan albinfo.ch.

Sipas mediave italiane, qendërmbrojtësit shqiptar do t’i duhen edhe dy javë për t’u rikthyer në fushë.

22-vjeçari i lindur në Bazel e nisi mbarë aventurën me Torinon, duke shkëlqyer në miqësoret e para përgatitore. Por, pikërisht në momentin më të mirë ai pësoi një tërheqje muskulore që e la jashtë ndeshjes së parë të kampionatit ndaj Milanit.

Sikur të mos mjaftonte ky problem, lojtari u gjend në një situatë të vështirë në ditët e fundit të afatit kalimtar, kur ishte pranë largimit nga klubi “Granata”.

Gjithsesi mbrojtësi i kombëtares kuqezi mbeti në Torino dhe sapo të riaftësohet pritet të luajt si titullar. Ai mungoi edhe në ndeshjen kundër Maqedonisë.