Shkatërrohet banda shqiptaro-greke

Siç mësohet nga katër të arrestuarit dy janë shqiptarë të moshës 29 dhe 31, kurse dy të tjerë grekë, 36 dhe 40 vjeç

Një hetim paraprak nga Policia greke në ishullin e Kefalonisë ka çuar në arrestim e katër anëtarëve të një bande, që merreshin me trafikimin e drogës, shkruan albinfo.ch.

Siç mësohet nga katër të arrestuarit dy janë shqiptarë të moshës 29 dhe 31, kurse dy të tjerë grekë, 36 dhe 40 vjeç. Tek ata janë gjetur edhe 9460 euro, derisa kanë konfiskuar një sasi të kokainës dhe marihuanës së papërpunuar.

Gjithashtu janë gjetur edhe disa telefona. Të katër të dyshuarit janë marrë në pyetje nga Prokuroria në Kefaloni, duke u akuzuar për formimin e një grupi kriminal, trafikimit sistematik të drogës dhe aktivitete të tjera të paligjshme.

Emrat e të dyshuarve nuk janë bërë të ditur, dhe as nga qytetet nga vijnë, derisa është mësuar se dy nga të arrestuarit janë nga Shqipëria.