Të rinjtë zviceranë, tërë kohën online

Studimi i autorizuar nga Swisscom është marrë me qasjen ndaj mediave, të adoleshentëve nga mosha 12 deri në 19 vjeçare, nga viti 2010 deri tash

Të rinjtë në Zvicër kalojnë kohë gjithnjë më të gjatë para internetit. Ata rrinë aktivë nëpër mediat sociale ose në përgjithësi “lundrojnë” në internet rreth dy orë e gjysmë në ditë. Ndërsa gjatë fundjavave madje edhe tri orë e dyzet minuta, që është për 25 për qind më shumë se para dy vitesh.

Këto të dhëna i ka nxjerrë një studim i realizuar nga Shkolla e Lartë për Shkenca të Aplikuara (ZHAW). Ky studim i autorizuar nga Swisscom është marrë me qasjen ndaj mediave, të adoleshentëve nga mosha 12 deri në 19 vjeçare, nga viti 2010 deri tash. Është konstatuar se 99 për qind e këtyre të rinjve posedojnë smartfonë.

Më tutje shihet se këta telefona ata i përdorin më pak për të telefonuar ose për të shkruar sms-a ndërsa më shumë për të shikuar video dhe për të komunikuar me Messenger.

Ndër mediat sociale, me kohë ndër të rinjtë e kësaj moshe facebook-ut po ia zënë vendin gjithnjë më shumë snapchat-i dhe instagrami.