Liberalizimi i vizave dhe marrëdheniet tregtare në fokus të procesit të integrimit evropian

Ministrja e Integrimit Europian Vlora Çitaku është takuar me raportuesen për Kosovën në Parlamentin Europian, Ulrike Lunacek.

Ministrja Çtaku ka vlerësuar se Kosova i ka plotësuar të gjitha kushtet e Komisionit Europian, dhe është e gatshme për të hyrë në marrëdhënie kontraktuale dhe për të filluar dialogun për liberalizimin e vizave.

Çitaku ka theksuar se është mirënjohës për punën e mirë që ka bërë dhe vazhdon të bëjë Lunacek në Parlamentin Europian.

Lunacek vazhdon të jetë zë i qëndrueshëm për interesat e Kosovës me qëllim të përkrahjes së procesit të integrimit Europian, përfshirë avancimin e marrëdhenieve tregtare Kosovë – BE dhe procesin e liberalizimit të vizave.

Ministrja Çitaku ka theksuar se institucionet e Kosovës kanë ndërmarrë një sërë aktivitetesh konkrete për realizimin e obligimeve që kanë dalë nga takimi plenar i mbajtur në fillim të korrikut të këtij viti.

Komunat e Kosovës janë ndihmuar nga Qeveria me fondin e alokuar për ndihmë komunave të Kosovës për ri-integrimin e personave të riatdhesuar.

Nga ana e saj raportuesja për Kosovën në Parlamentin Europian, Ulricke Lunacek ka deklaruar se është e kënaqur me përkushtimin dhe punën e mirë që ka bërë Kosova drejt integrimit Europian, dhe se do të jenë evidente punët që janë bërë dhe punët që kanë mbetur për tu bërë në Raportin e Progresit,  të radhës për Kosovën që do të publikohet më 12 tetor.