Promovime librash në “Ditët e Mërgatës”

Përmbajtja e librave që promovohen ose autorët e tyre në ndonjë mënyrë janë të lidhur me mërgatën

Ministria e Diasporës në një komunikatë për medie njofton se në kuadrin e “Ditëve të mërgatës” që mbahen tradicionalisht në fund të korrikut dhe në fillim të gushtit, ajo ka organizuar promovimin e pesë librave. Përmbajtja e librave ose autorët e tyre  në ndonjë mënyrë janë të lidhur me mërgatën.

Më 28 korrik duke filluar nga ora 12 do të promovohen këta libra të rinj: Musa Ahmeti-Statuti i Drishtit, referues Begzad Baliu; Emin Fazlija-Doktori i maleve të lira, referues Jonuz Fetahaj; Rita Saliu-Engjujt nuk jetojnë në tokë, referues Agim Gjakova; Sejdi Gashi-Monografia e mësimdhënësve të diasporës, referues Rifat Hamiti; Agim Gashi-Epoka e nderit, referues Sylejman Aliu dhe Agim Gashi-Kohë e pakohë e vendit tim, referues Agim Gjakova.