Makolli takoi një delegacion të Asociacionit “Bashkësia Shqiptare” nga Gjermania

Ministri i Diasporës, Ibrahim Makolli, priti drejtuesit e asociacionit të shoqatave dhe klubeve të mërgimtarëve kosovarë “Bashkësia Shqiptare” nga Baden Ëurttembergu i Gjermanisë.

Makolli, i ka njoftuar ata me objektivat e ministrisë, me theks të veçantë për arsimimin e fëmijëve të mërgimtarëve në gjuhën shqipe.

“Arsimimi në gjuhën amtare parandalon asimilimin e gjeneratave të reja në mërgim. Bashkë me Ministrinë e Arsimit dhe me qeverinë e Republikës së Shqipërisë do të hartojmë strategji të përbashkëta të shkollimit të fëmijëve tanë në gjuhën shqipe në diasporë”, ka theksuar  ministri Makolli.

Sipas tij Ministria e Diasporës, do të hartojë politika që mërgata të jetë më e bashkuar dhe e organizuar dhe kjo sipas ministrit Makolli, do të mundësohet me hapjen e Qendrave Kulturore në vendet ku është e përqendruar diaspora, të cilat do të shërbejnë si urë lidhëse mes mërgimtarëve dhe MeD-it.

Delegacioni i “Bashkësisë Shqiptare” nga Baden Ëurttembergu, i përbërë nga Skenderbeg Klaiqi, kryetar, Ismet Vokshi, nënkryetar, Maxhun Syla, anëtar i kryesisë dhe Azem Veliu, janë shprehur të kënaqur me strategjitë e kësa ministrie.

Gjithashtu ata e njoftuan ministrin Makolli me aktivitetet e asociacionit të tyre.

Sipas tyre qëllimi kryesor i “Bashkësisë Shqiptare” është organizimi më i mirë i shoqatave dhe organizatave shqiptare në Gjermani.