Oda Ekonomike e Kosovës kërkon implementim të plotë të reciprocitetit

OEK përkrah marrëveshjen e arritur në Bruksel, me 2 shtator, lidhur me tregtinë e lirë dhe njohjen e vulave të Doganave të Kosovës

Oda Ekonomike e Kosovës i fton qytetarët e vendit dhe bizneset që të angazhohen fuqishëm në përkrahjen e biznesit vendor, përkatësisht konsumim të produkteve vendore.

Duke përkrahur marrëveshjen e arritur në Bruksel, OEK-u kërkon nga institucionet e Kosovës, implementim të plotë të marrëveshjes dhe insiston që rendi dhe ligji të vendoset në tërë vendin, duke eliminuar çdo mundësi për aktivitete të kontrabandës dhe ekonomisë joformale.

“OEK gjithashtu kërkon që gjatë zbatimit të kësaj marrëveshje të sigurohet respektim i plotë i parimeve të tregtisë të lirë dhe reciprocitetit dhe kërkon qe nëse në realizmin e marrëveshjes do të paraqiten problem nga palët tjera, konformë parimeve të tregtisë së lirë të definuar nga CEFTA dhe marrëveshjet tjera ndërkombëtare të kërkon dhe aplikon respektimin e parimeve të reciprocitetit”, theksohet në komunikatën e OEK-ut për media.

Duke respektuar parimet e ekonomisë së tregut dhe interesat e bizneseve të Kosovës, Oda Ekonomike e Kosovës fton të gjithë qytetarët dhe bizneset të angazhohen fuqishëm në përkrahjen e biznesit vendor, përkatësisht konsumim të produkteve vendore