Prifti gjerman ndihmon familjen shqiptare

Andreas Suss ka ndërmjetësuar me priftin katolik në Shqipëri, Stefan Schwarz, për të ndihmuar familjen Margjokaj për t’u ofruar një shtëpi banimi

Foto për ilustrim

Familja Markgjokaj kishte ardhur para një viti e gjysmë në Gjermani, megjithatë ata është dashur të rikthehen në vendlindje, pasi Shqipëria llogaritet vend i sigurt, shkruan “rundschau-online.de”.

Familja shqiptare është kthyer vullnetarisht me shpresë se mund të kthehet sërish në Gjermani. Vëllezërit Armando (15) dhe Arxhev (9) është dashur që me prindërit dhe motrat të paketojnë gjërat dhe të kthehen në Shqipëri, përcjell albinfo.ch.

Por, kryefamiljari mund të rikthehet pas tre muajsh për të punuar në qytetin gjerman Bergisch Gladbach. Nëse kjo realizohet ai mund të marrë me vete edhe familjen shqiptare.

Kjo familje ishte integruar mjaft mirë në Gjermani. Këtë e ka thënë edhe mbikëqyrësi i familjes, Daniel Meyer. “Ata janë kthyer vullnetarisht, me shpresë se mund të vijnë përsëri në Gjermani. Familja shqiptare ka qenë i integruar, fëmijët kanë ndjekur shkollën dhe familja liturgjinë fetare”, ka thënë ai.

Edhe Komuniteti katolik është angazhuar për ta ndihmuar familjen Margjokaj. Prifti katolik Andreas Suss ka shkuar personalisht të përcjellë familjen në aeroport dhe do të mundohet t’i ofrojë mundësi asaj për t’u rikthyer përsëri në Gjermani.

Por, ndërkohë Suss ka ndërmjetësuar me priftin katolik në Shqipëri, Stefan Schwarz, për të ndihmuar familjen Margjokaj për t’u ofruar një shtëpi banimi. Kush mund të ndihmojë ose ndërmjetësojë për familjen një shtëpi banimi, mund të telefonojë Daniel Meyer (0163-5389701).