Lajme
Të rinjtë nga Kosova migrojnë për një jetë më të mirë
Shtetet të cilat kosovarët më së shumti zgjedhin si destinacion janë Gjermania me 35.25 për qind dhe Zvicra me 22.94 për qind
Shumë të rinj po largohen nga Kosova. Disa largohen për të punuar, disa për të studiuar e disa e kërkojnë fatin në vendet perëndimore. Por, të gjithë ata largohen për një jetë më të mirë.
Njëra ndër to është Ardita Abazi, e cila ka shkruar në Kanada dhe ka filluar jetën nga fillimi. 23-vjeçarja ka thënë se kushtet e rënda e kanë detyruar të largohet nga Kosova. Albert Gashi ka thënë se sapo t’i krijohet mundësia do të largohet menjëherë.
T.E. 27 vjeçar i cili ka përfunduar studimet master në ekonomi në Universitetin e Prishtinës dhe i cili nuk e përjashton edhe përfshirjen në politikë si karrierë, aktualisht e sheh Zvicrën si destinacion për realizimin e planeve të së ardhmes. “Arsyeja kryesore për migrim janë kushtet e pavolitshme ekonomike në vendin tonë dhe papunësia; është fjala të punosh në lëminë tënde të studimit. Përndryshe, planifikoj të jetoj në Zvicër pasi që së pari mundësia e studimeve për doktoraturë është shumë më lirë dhe me lehtë sesa te ne”, thotë ai, shkruan Agjencia e Lajmeve “KosovaLive”.
Sipas Agjencisë së Statistikave të Kosovës (ASK) të vitit 2014, del se numri i popullsisë emigruese ishte rreth 820,000. Kryesisht emigruan të rinj të moshave 25-44 vjeç që përbënin 47.2% të popullsisë emigruese, ndërkohë që dominonte mosha 30-34 me 12.7%. Shtetet të cilat kosovarët më së shumti zgjedhin si destinacion janë Gjermania me 35.25 përqind dhe Zvicra me 22.94 përqind.
Gjithnjë sipas po këtij hulumtimi, faktorët kryesor shtytës të emigrimit ishin të ndryshëm: bashkimi familjar (46%), faktorët socio-ekonomik (35%) pa anashkaluar atë politik dhe arsimim më të mirë.
Sipas statistikave të fundit të ASK-së, në vitin 2015 vetëm 25.2% nga numri i përgjithshëm i popullsisë në moshë pune ishin të punësuar.
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Mbi katër mijë milionerë në Zvicër Këto ishin vite të majme për fituesit më të mëdhenj. Pagat e tyre janë rritur ndjeshëm,...
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike