Denis MacShane ka shkruar një libër për Kosovën

Denis MacShane, deputet në Parlamentin e Mbretërisë së Bashkuar si dhe njëri ndër ish-ministrat më të njohur të Qeverise së Tony Blairit, ka botuar një libër dedikuar krejtësisht Kosovës – të titulluar “Pse Kosova është me rëndësi?”. Aty ai dokumenton represionin serb ndaj Kosovës që nga fillimi i shekullit XX e deri te presionet e këtyre muajve të fundit rreth ndarjes etnike.

Kritik i formulave të vjetra nacionaliste, MacShane formulon me gjuhë të thjeshtë dështimin e BE-së për ta njohur pavarësinë e Kosovës. MacShane, po ashtu, kundërshton fuqimisht raportin e Dick Martyt duke e quajtur atë si projekt të qëllimshëm të njollosjes së lidershipit kosovar.

Këtë javë, Denis MacShane promovon edhe librin e tij në ambientet e Parlamentit Britanik. Atje, do të jenë të pranishëm edhe Ministri i Jashtëm, Enver Hoxhaj dhe zëvendësi i tij, Petrit Selimi.

Ish-Ministri britanik për Europë, në një intervistë për Express, shprehet optimist për procesin e njohjes së Kosovës. Madje, ai thekson se edhe Serbia një ditë do ta njohë pavarësinë.