Kosova, vend atraktiv për investitorët e huaj

Sipas Bankës Qendrore të Republikës së Kosovës, investimet e huaja direkte deri në muajin nëntor të vitit të kaluar kanë qenë rreth 220 milionë euro, kurse në vitin 2015 këto investime kanë qenë rreth 320 milionë euro

Investitorët kanë shumë fusha ku mund të investojnë në Kosovë, që mund të jetë një treg shumë i mirë për ta. Ndër fushat ku mund të investojnë janë sektori i agrobiznesit, minierat dhe mineralet, si dhe fusha e teknologjisë.

Investime ndërkombëtare në Kosovë në vazhdimësi nga njohës të fushës së ekonomisë dhe nga vetë institucionet e Kosovës ishin cilësuar si promotor i zhvillimit ekonomik të vendit si dhe gjenerimin e vendeve të reja të punës, raporton “Evropa e Lirë”.

Ardhjen e investitorëve të huaj në Kosovë e kishte penguar edhe situata jo e mirë politike në vend. Kjo situatë kishte pasur ndikim të madh në rënien e interesimit të kompanive të huaja që të kapitalin e tyre ta shtrijnë në Kosovë, përcjell albinfo.ch.

Sipas të dhënave zyrtare të Bankës Qendrore të Republikës së Kosovës, investimet e huaja direkte në vend deri në muajin nëntor të vitit të kaluar kanë qenë rreth 220 milionë euro, kurse në vitin 2015 këto investime kanë qenë rreth 320 milionë euro.