Nga marsi i vitit 2012, nuk vlejnë më dokumentet e vjetra

Në Maqedoni, 27 shkurti i vitit 2012 është afati i fundit për t’i ndërruar me dokumente të reja biometrike

Të gjithë qytetarët e Maqedonisë që i kanë ende pasaportat dhe letërnjoftimet e vjetra në përdorim, 27 shkurti i vitit 2012 është afati i fundit për t’i ndërruar me dokumente të reja biometrike.

Ministria e Punëve të Brendshme ka theksuar se qytetarët duhet të bëjnë këto ndryshime gjatë tre muajve të ardhshëm, pavarësisht se dokumentet e tyre personale kanë afate apo afate të pacaktuara.

Pas 27 shkurtit, dokumentet e vjetra si pasaporta dhe letërnjoftimi nuk do të vlejnë dhe nuk mund të shfrytëzohen, raportojnë mediet në Shkup

Qytetarët pa pasaportat e reja biometrike nuk mund të kalojnë kufirin nga marsi i vitit 2012, për shkak se nuk do të jenë valide pasaportat e vjetra.

Ministria e Punëve të Brendshme e Maqedonisë u ka bërë thirrje qytetarëve që të caktohen terminet kohore për nxjerrjen e këtyre dokumenteve.

Autoritet në Shkup bëjnë të ditur se deri tani janë dhënë 1,3 milion pasaporta biometrike dhe 1,2 milion letërnjoftime të reja.