Emigrantët indianë sigurojnë praninë e djathit të shenjtë të Italisë

Edhe në një botë tash më të globalizuar një lajm i tillë gjithnjë bie si një detonator në veshët e italianëve: Indianët sikhë sigurojnë vazhdimin e prodhimit të djathit Parmigiano, simbol monolit e kulturës italiane. Një shpëtim i cili gjen origjinën e tij në vitet ‘80-ta, kur emigrantët indianë, kryesisht nga Punjabi, u vendosën në Italinë qendrore dhe veriore.

Pas mbërritjes së tyre, të ashtuquajturit Sikh, fillojnë të investojnë në prodhimin e qumështit. Një punë e vështirë, kur dihet që kërkon një prezencë të vazhdueshme nga 6 deri në 20 orë, prandaj edhe shumë të rinj italianë braktisin një punë të tillë.

Këta punëtorë kanë qenë të mirëpritur shumë, sidomos kur dihet se ata kanë një respekt të veçantë për lopët, të cilat janë të shenjta në tërë Indinë. Gjë që bën që cilësia e produktit të jetë edhe më e shijshme.

Edhe pse disa anëtarë të LEGA-së shikojnë këtë prani me dyshim, ata i pushkatojnë me sy veshmbathjen tradicionale të emigrantëve të lartpërmendur, por janë të vetëdijshëm se prezenca e tyre është e domosdoshme.