Arrestohet një mërgimtar pasi sulmoi fizikisht bashkëvendësin

Nga i dyshuari është konfiskuar një armë zjarri – pistoletë me një karikator me 16 fishekë të cal. 9 mm me leje valide

Në fshatin Zhegër të komunës së Gjilanit policia e Kosovës ka arrestuar një mërgimtar pasi ai, pas një mosmarrëveshje ka kanosur dhe sulmuar fizikisht një bashkëfshatarë, njofton Policia e Kosovës, transmeton albinfo.ch. Po ashtu në raportin e policisë theksohet se të dyshuarit i është konfiskuar edhe një armë zjarri.

“Është arrestuar i dyshuari mashkull K-Shqiptar me nënshtetësi te huaj, pasi që i njëjti pas një mosmarrëveshje ka kanosur dhe sulmuar fizikisht viktimën mashkull K-Shqiptar. Nga i dyshuari është konfiskuar një armë zjarri – pistoletë me një karikator me 16 fishekë të cal. 9 mm me leje valide.

Me urdhër të prokurorit pas intervistimit me urdhër të prokurorit i dyshuari lirohet në procedurë të rregullt”, thuhet në raportin 24 orësh të policisë por nuk jepen detaje tjera