Vazhdojnë të digjen pyjet në Shqipëri, edhe 6 vatra zjarri

Nga zharri është në rrezik të digjet edhe Manastiri i Ardenicës si dhe antenat e transmetimit të montuara në fshatin Kolonjë

Keystone

Në 24 orët e fundit në të gjithë Shqipërinë janë shënuar edhe 6 vatra zjarri njofton në raportin e fundit Emergjenca Civile. Në qarkun e Shkodëres po vijon operacioni për shuarjen e vatrave të zjarrit në fshatin Karmë të Pukës.

“Terreni malor e ka vështirësuar punën e zjarrfikësve. Në orët e para të mëngjesit janë rindezur disa vatra të vogla zjarri”, thuhet në njoftim.

Ndërsa në qarkun e Fierit në fshatin Kolonjë, zjarri ka përfshirë një sipërfaqe me shkurre, pisha dhe ullinj. Në ndihmë të zjarrfikësve të Lushnjes kanë shkuar edhe ata nga Fieri. Emergjenca Civile njofton se nga ky zjarr është në rrezik të digjet edhe Manastiri i Ardenicës si dhe antenat e transmetimit të montuara në fshatin Kolonjë.