E-Diaspora
Arrestohet Kreshnik S., i akuzuar për pirateri filmash
Vëllezërit, Kreshnik dhe Kastriot S. fajësohen se së bashku me persona të tjerë e kanë udhëhequr faqen Kinox.to, përmes së cilës kanë shpërndarë në serverë të tjerë përmbajtje të kopjuara ilegalisht si filma etj.
Pas tri vitesh të kaluara në arrati, është arrestuar në Kosovë Kreshnik S., i dyshuar si njëri ndër udhëheqësit e portalit për dkistribuim ilegal të filmave, Kinox.to. Edhe më tutje në arrati ndodhet vëllai i Kreshnikut, Kastrioti, shkruajnë sot mediat gjermane dhe asutriake, të cilat i japin hapësirë të madhe këtij lajmi.
Kreshniku 24 vjeçar është arrestuar që në muajin qershor, në Prishtinë, ka bërë të ditur një zëdhënës i Prokurorisë së Përgjithshme të Dresdenit, Gjermani. Ai me këtë njoftim e ka konfirmuar lajmin e publikuar fillimisht në gazetën “Handelsblatt”.
Ndërkohë, kryeprokurori Oliver Moller ka njoftuar se në bashkëpunim me autoritetet kosovare tashmë janë duke u bërë përgatitjet për ekstradimin e personit të përmendur, transmeton albinfo.ch. “Hetimet do të vazhdojnë në Gjermani pasi që ai të jetë ekstraduar këtu”, ka shtuar ai.
I arrestuari së bashku me vëllain e tij katër vite më të vjetër, ishte në arrati që nga tetori i vitit 2014. Atëbotë, njësitet speciale të policisë kishin bastisur shtëpinë e prindërve të dy vëllezërve S., në Lübeck, ku jetonin edhe ata, por nuk kishin mundur t`i gjenin.
Kreshniku dhe Kastrioti fajësohen se së bashku me persona të tjerë e kanë udhëhequr faqen Kinox.to, përmes së cilës kanë shpërndarë në serverë të tjerë përmbajtje të kopjuara ilegalisht si filma etj. Prokuroria i ngarkon ata, përveç për shkelje industriale të të drejtës së autorit edhe për bishtnim të pagesës së tatimeve.
Të tjera nga E-Diaspora
E-Diaspora
-
VLEN shpall fitoren e quajtur ‘Ndryshimi’, falënderon diasporën Drejtues të koalicionit VLEN në një konferencë për media nga Tetova kanë shpallur fitoren e zgjedhjeve....
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
Jeta në Zvicër
-
Qeveria planifikon ndihma për banim edhe për pensionistët e invaliditetit Këshilli Federal i propozon Parlamentit ndryshimin e ligjit përkatës për barazimin e pensionistëve IV me pensionistët...
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën