Shkurt.ch
Cassis, më i favorizuari për vendin vakant në qeveri
Ignazio Cassis ka gjasat më të mira për tu bërë pjesë e ekzekutivit të vendit. 41 për qind të të anketuarve janë shprehur në favor të tij. Për Pierre Maudet kanë “votuar” 24% ndërsa për Isabelle Moret, vetëm 13%
Më 20 shtator, Asamblea e përbashkët e Parlamentit të Zvicrës bën zgjedhjen e pjesëtarit të ri të Këshillit Federal që do ta plotësojë vendin i cili do të lirohet pas dorëheqjes së ministrit Didier Burkhalter. FDP/PLR, partia e cila duhet ta japë pasardhësin e saj në qeveri ka nominuar tre politikanë për këtë post, duke ja lënë parlamentit të zgjedhë njerin prej tyre. Fjala është për politikanin nga Kantini i Tiçinos, Ignazio Casis, atë nga Kantoni i Gjeneves, Pierre Maudet dhe politikanen nga Kantoni Vaud, Isabelle Moret.
Në përgjithësi ka mbizotëruar qëndrimi se Casis ka më tepër shanse, nisur nga fakti se vjen nga pjesa italiane e Zvicrës, regjion ky që nga viti 1999 e këndej nuk ka pasur asnjë përfaqësues në Qeverinë Federale, trans,eton albinfo.ch. Pastaj Cassis është edhe kryetar i Grupit Parlamentar të partisë së tij FDP/PLR në Dhomën Nacionale.
Edhe sipas një sondazhi të realizuar nga Tages Anzeiger, Cassis ka gjasat më të mira për tu bërë pjesë e ekzekutivit të vendit. 41 për qind të të anketuarve janë shprehur në favor të tij. Për Pierre Maudet kanë “votuar” 24% ndërsa për Isabelle Moret, vetëm 13%.
Ndonëse pjesëmarrësit në sondazh e kanë favorizuar Cassisin, ata nuk ndikohen nga prejardhja dhe as nga gjinia e kandidatit të tyre të preferuar. Në fakt, 51 për qind të tyre nuk i konisderojnë me rëndësi përkatësitë në fjalë.
Ndryshe nga popullata, shumë parlamentarë e konsiderojnë Cassisin kandidat të preferuar vetëm për shkak të përkatësisë së tij tiçineze. Madje disa prej tyre as nuk e konsiderojnë atë si më të mirin nga tre kandidatët, por thonë se megjithatë do ta zgjedhin për shkaqe “regjionalpolitike”.
E-Diaspora
-
Shqipja në Zvicër, pak histori dhe disa probleme aktuale Rritja e numrit të folësve të shqipes në Zvicër rrit edhe perceptimin e zviceranëve për rëndësinë...
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
-
Mërgimtaren Fikrije Salihun e rikthen profesioni në atdhe, pas 30 vjetësh
Jeta në Zvicër
-
Shqipja në Zvicër, pak histori dhe disa probleme aktuale Rritja e numrit të folësve të shqipes në Zvicër rrit edhe perceptimin e zviceranëve për rëndësinë...
-
Numri i punëtorëve ndërkufitarë në Zvicër është rritur
-
Neuchâtel: Një algjerian 29-vjeçar u gjet pa shenja jete, në qeli
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë