Integrimi
I ishte refuzuar pasaporta sepse nuk e njihte shitësin e fshatit: Sërish në votim
Ndonëse ajo është e lindur në Zvicër, këshilli kishte konstatuar se «Nuk ishte mirë e integruar», pasi që nuk e kishte ditur emrin e shitësit në shitoren e mishit në fshatin ku jetonte
Rasti i të resë me prejardhje turke Funda Yilmaz, të cilës komuna e saj, ia kishte hedhur poshtë kërkesën për pasaportën zvicerane, pranverën që shkoi pati bërë bujë në gjithë botën. Arsyeja për interesimin e madh medial që pati nxitur ky rast qëndronte në faktin se Yilmaz ishte e integruar në mënyrë të përsosur në shoqërinë zvicerane, shkruan albinfo.ch.
Ajo në fakt as që njihte ambient tjetër jetësor përveç atij të Zvicrës. Ndërsa refuzimi i ishte bërë për shkaqe fare banale. Ndonëse ajo është e lindur në Zvicër, këshilli kishte konstatuar se «Nuk ishte mirë e integruar», pasi që nuk e kishte ditur emrin e shitësit në shitoren e mishit në fshatin ku jetonte dhe gjëra të tjera, të ngjashme.
Tash, këshilli i banorëve i Komunës Buchs (Aargau) ku jeton Funda, duhet të rishikojë vendimin dhe sipas të gjitha gjasave, 25 vjeçarja me prejardhje turke do të bëhet shtetase zvicerane. Këshilli Komunal kështu do ta sjellë edhe një herë para këshillit të banorëve (një institucion ky i demokracisë së drejtpërdrejtë, tipik për disa regjione të Zvicrës), kërkesën për natyralizim, transmeton albinfo.ch. Diçka e tillë nuk ka ndodhur kurrë më parë, shkruan «Aargauer Zeitung».
Nga ana tjetër, Funda u ishte përgjitgjur të gjitha pyetjeve të shtruara në test, nuk ka asnjë kundërvajtje të kryer, punon në një zyrë arkitekture etj.
Këshilli i banorëve të Komunës së Buchsit do të votojë serish, më 18 tetor për natyralizimin e vajzës me prejardhje turke, ndërsa këshilli komunal, i ka rekomanduar të parit që të votojë në favor.
Të tjera nga Integrimi
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h