Alicia Vikander shkëlqen në qilimin e gjelbër të Festivalit të Cyrihut

Ajo eci në qilimin e gjelbër në Festivalin e Filmit të Cyrihut për shfaqjen e filmit të saj të fundit “Euforia”

Aktorja suedeze, Alicia Vikander, ka mbërritur në Festivalin e Filmit të Cyrihut.

Alicia Vikander eci në qilimin e gjelbër në Festivalin e Filmit të Cyrihut për shfaqjen e filmit të saj të fundit “Euforia”. Aktorja suedeze shkëlqeu në Zvicër, ku u bashkua me aktorin britanik, Charles Dance.

Vikander luan në filmin “Euphoria” në personazhin e një gruaje të quajtur Ines, e cila bashkohet me motrën e saj, Emilie, personazh që luhet nga Eva Green. Ato shkojnë për pushime së bashku, por Ines së shpejti zbulon se Emilie vuan nga një sëmundje dhe ka plane për t’i dhënë fund jetës së saj.

Filmi është i pari në gjuhën angleze nën regjinë e suedezes Lisa Langseth. Vikander gjithashtu luan në filmin e ardhshëm “Tomb Raider”.