Bunjaki me lot në sy pas ndeshjes së fundit me Kosovën

Pas takimit, Bunjaki ka folur për mediat duke thënë se është krenar me gjithçka që ka bërë në periudhën që ka qenë përzgjedhës i Kosovës

Përzgjedhësi kosovar humbi edhe në ndeshjen e tij të fundit, atë ndaj Islandës, 2 me 0 në kualifikimet për Botërorin e vitit 2018.

Pas takimit, Bunjaki ka folur për mediat duke thënë se është krenar me gjithçka që ka bërë në periudhën që ka qenë përzgjedhës i Kosovës.

“Largimi ishte i vështirë, sepse kemi shumë vite bashkë. Me paraqitje të tillë të jep emocion edhe më shumë, pasi nuk u dorëzuam për asnjë moment”, tha Bunjaki për Supersport. “Jam shumë krenar me këta djem dhe jam shumë krenar me atë që kemi bërë këto vite. Pavarësisht problemeve, jemi i lumtur që kemi qenë në këtë grup për zhvillimin e këtyre lojtarëve”.

Në dhjetë ndeshjet e fazës kualifikuese, Bunjaki ka pasur vetëm një barazim dhe nëntë humbje.