Shënohet Dita Përkujtimore e Mbretërisë së Bashkuar

Pranë memorialit ka bërë homazhe edhe kryeministri, Ramush Haradinaj dhe ministri i FKS-së, Rrustem Berisha

Ambasada Britanike në Prishtinë ka organizuar Shërbimin Përkujtimor pranë Memorialit të Dëshmorëve Britanikë, për të kujtuar Ditën Përkujtimore të Mbretërisë së Bashkuar. Shërbimi përkujtimor është përcjellë me ceremoni për të shënuar ridedikimin e memorialit i cili është zhvendosur nga selia e KFOR-it në Sheshin “Edith Durham” në Prishtin.

Të pranishmëve u është drejtuar me një fjalë mirëseardhjeje ambasadori britanik në Kosovë, Ruairi O`Connell, ndërsa më pas janë vendosur kurora lulesh pranë memorialit përkujtimor.

Pranë memorialit ka bërë homazhe edhe kryeministri, Ramush Haradinaj dhe ministri i FKS-së, Rrustem Berisha.