Një sihariq për Ramush Haradinajn nga SHBA

Çifti  Haradinaj ka pranuar telegram urimi nga presidenti i Shteteve të Bashkuara të Amerikës, Donald Trump dhe bashkëshortja e tij, Melania Trump me rastin e festave të fundvitit. Ramush Haradinaj e ka uruar edh e sekretari i Shtetit, Rex Tillerson

Derisa kryeministri Ramush Haradinaj po vazhdon të pres vizën për udhëtim në SHBA, ai sot mori një sihariq pikërisht nga presidenti i Shteteve të Bashkuara të Amerikës, Donald Trump dhe sekretari i Departamentit Amerikan të Shtetit, Rex Tillerson, të cilët e urojnë Haradinajn dhe bashkëshortja e tij, Anitën me rastin e festave të fundvitit.

Çifti  Haradinaj ka pranuar telegram urimi nga presidenti i Shteteve të Bashkuara të Amerikës, Donald Trump dhe bashkëshortja e tij, Melania Trump. Po ashtu, kryeministri Haradinaj, thotë të ketë marrë telegram falënderimi nga sekretari Amerikan i Shtetit, Rex Tillerson, për mbështetjen e Kosovës në luftën kundër terrorizmit.

“Sot, pata nderin e veçantë të pranoj urim për festat e fundvitit nga Presidenti i Shteteve të Bashkuara të Amerikës, Donald Trump. Ky urim është edhe një konfirmim i miqësisë së përhershme të Kosovës me Shtetet e Bashkuara të Amerikës. Sot, po ashtu, kam pranuar telegram nga Sekretari i Departamentit Amerikan të Shtetit, Rex Tillerson, në të cilin, ai më falënderon për mbështetjen personale, por edhe institucionale të shtetit të Kosovës në luftën kundër terrorizmit dhe radikalizmit. Qeveria dhe populli i Kosovës do të jenë çdoherë krah Shteteve të Bashkuara të Amerikës”m shkruan Ramush Haradinaj në facebook, transmeton albinfo.ch.