Prapë dyshime, edhe logoja e dytë e 10 vjetorit po del imitim

Rrjetet sociale kanë arritur që të ekspozojnë edhe logon e dytë e cila ka ngjashmëri të madhe me një logo të përdorur nga partia shqiptare në Maqedoni, BDI në Kongresin e vitit 2015

Pas u konfirmua se logoja e parë për festën e 10-vjetorit të pavarësisë së Kosovës është plagjiaturë nga një kopani gjermani, me kërkesë të Presidencës kosovare u zgjodh një logo tjetër. Por, tani në opinion është plasur një logo që i përngjan edhe kësaj të dytës, që apo del se kremta e dhjetëvjetëshit te del imitim i zbehtë.

Logoja që duhet të jetë simbol i 10 vjetorit të Pavarësisë së Kosovës ka nxitur sërish dyshime për kopjim pasi janë gjetur ngjashmëri me një dizajn të një logoje tjetër, që i ngjanë asaj të BDI-së në Maqedoni.

Presidenti i Kosovës, Hashim Thaçi ditë më parë dha urdhër për ndërrimin e logos fillestare për shënimin e përvjetorit jubilar të Pavarësisë së Kosovës, pasi u vunë dyshime mbi origjinalitetin e saj.

Megjithatë, rrjetet sociale kanë arritur që të ekspozojnë edhe logon e dytë e cila ka ngjashmëri të madhe me një logo të përdorur nga partia shqiptare në Maqedoni, BDI për Kongresin Tematik të mbajtur në vitin 2015. Në fecebook kanë plasur gallatat se si kjo dekadë qeverisëse është nir keq dhe po përfundon me imitim.