Shqipëri, rritet eksporti, ulet importi

INSTAT ka theksuar se gjatë muajit prill të këtij viti është shënuar ulje e ndjeshme e importeve, ndërsa ka pasur rritje të eksporteve, në krahasim me një muaj më parë.

Ndërkohë, deficiti tregtar për këtë muaj shkon në shifrat e 22 miliardë lekëve, raportojnë mediat në Tiranë.

“Në prill u eksportuan 18,036 miliardë lekë mallra, me rritje 7.9 për qind në krahasim me marsin dhe rritje me 27.1 për qind në krahasim me prill e vjetëm. U importuan 40,114 miliardë lekë mallra me ulje 9 për qind në krahasim me marsin e sivjetmë dhe ulje 12.4 për qind në krahasim me prillin e 2011. Deficiti tregtar i këtij muaji është 22,077 miliardë lekë, duke shënuar një rënie prej 19.2 për qind krahasuar me muajin paraardhës dhe një ulje prej 30.1 për qind krahasuar me prill 2011. Tregtia me vendet e BE është 65.4 për qind. Partnerët kryesorë tregtarë vazhdojnë të jenë Italia dhe Greqia”, thuhet në raportin e INSTAT-it.