Tragjedi në Koçan, një i vdekur dhe katër të plagosur

Qyteti lindor i Maqedonisë është goditur nga një tragjedi ditën e sotme.

Një person ka vdekur, ndërsa katër punëtorë tjerë kanë marrë lëndime të rënda pas një shkarkim mermeri në një firmë në Koçan. Ngjarja ka ndodhur rreth orës 17:00, në afërsi të kishës së qytetit, me çka disa plaka mermeri i kanë goditur personat gjatë shkarkimit.

Njëri punëtor ndërroi jetë gjatë transportimit për në spital, ndërsa dy tjerë për shkak të lëndimeve të shumta janë transferuar nga spitali i Koçanit drejt Shkupit. Dy të lënduarit tjerë për shkak të lëndimeve më të lehta kurohen në Koçan.

Në vendin e ngjarjes Prokurori Publik ka bërë inspektimin, por më tepër informata priten gjatë ditës së nesërme.