EULEX-i deri në korrik 2014

Vendimi për vazhdimin e mandatit, përfundimisht do të merret të premten që vjen nga Kuvendi i Kosovës

Përfaqësuesit e Bashkimit Evropian dhe ata të institucioneve të Kosovës janë pajtuar që Misioni i BE-së për sundim të ligjit (EULEX) të ketë mandat në Kosovë deri në korrik të viti 2014. Ky mision do të shërbej për forcimin e rendit dhe ligjit, ndërsa vendimi për vazhdimin e mandatit, përfundimisht do të merret të premten që vjen nga Kuvendi i Kosovës.Siç shkruan e përditshmja “Koha Ditore”, autoritetet e Kosovës dhe ato të Bashkimit Evropian kanë finalizuar tekstin e letërkëmbimit për mandatin e EULEX-it, e cila nesër do t’i dërgohet baroneshës Catherine Ashton nga presidentja Atifete Jahjaga, ndërsa të martën kërkesa do të diskutohet dhe miratohet në Këshillit të Ministrave të BE-së. “Esenca e asaj që ka ndërruar nga draftet e mëhershme është mundësia e vazhdimit të mandatit të këtij misioni evropian për sundimin e rendit dhe ligjit edhe pas 15 korrikut të 2014-s, por nëse këtë e vlerësojnë bashkërisht Prishtina dhe Brukseli”, thuhet në njoftim.Pajtueshmëria ndërmjet dy administratave, sipas kësaj të përditshme, është arritur gjatë një vizite jopublike që të këtë javë që shkoj, e ka zhvilluar në Kosovë komandanti i operacioneve civile në Bashkimin Evropian, Hansjorg Haber. Ky i fundit është takuar me kryeministrin Hashim Thaçi dhe zëvendësin e tij, Hajredin Kuçi.