Kurti sërish kundër platformës për dialogun

"Nuk mund të vazhdohet me platforma pa vlerësuar si erdhëm deri këtu"

Në organizimin e “Javës së Lëvizjes”, kreu i Lëvizjes Vetëvendosje, Albin Kurti, ka thënë se platforma për dialogun me Serbinë e cila pritët të diskutohet të hënën në Kuvendin e Kosovës është e gabuar dhe nuk duhet të diskutohet, transmeton albinfo.ch.

Kurti kërkon një raport të detajuar për dialogun e zhvilluar Kosovë-Serbi gjatë viteve 2011-2017, në të kundërtën thotë se nuk duhet të vazhdohet tutje.

“Sa i përket çështjes së platformave që sjell Qeveria, mendoj se është gabim në hapa. Ne presim nga Qeveria që të sjellë një dokument zyrtar-shtetëror si vlerësim për dialogun gjashtë vjeçar 2011-2017. Nuk mund të vazhdohet me platforma pa vlerësuar si erdhëm deri këtu.

Nëse është qeveria e re, nëse është qeveri pas zgjedhjeve të vitit 2017 atëherë duhet të kemi një vlerësim të dialogut paraprak që herë quhej politik e herë teknik”, theksoi Kurti.

Lideri i kësaj partie ka thënë se  duhet të ketë transparencë dhe llogaridhënie për dialogun.