Behrami, i vetmi nga Zvicra në katër Botërore

33-vjeçari gjithashtu ka marrë pjesë në dy Kampionate Evropiane

Keystone

Valon Behrami pritet të bëhet futbollisti i parë nga Zvicra që ka luajtur në katër Kampionate Botërore, shkruajnë mediat ndërkombëtare.

Behrami është në listën prej 23 lojtarëve të ftuar nga Vladimir Petkoviq për Botërorin “Rusia 2018”, përcjell albinfo.ch.

33-vjeçari gjithashtu ka marrë pjesë në dy Kampionate Evropiane, derisa kur u ndëshkua me karton të kuq më 2010 kundër Kilit, ai gjithashtu u bë futbollisti i parë i Zvicrës që përjashtohet nga ndeshja.

Sidoqoftë, në Përfaqësuesen e Zvicrës ka shumë mesfushorë të dalluar dhe Behrami duhet të luftojë që të luajë nga fillimi.

Zvicra ndodhet në grup me Brazilin, Serbinë dhe Kosta Rikën.