Ja përse Xhaka festoi me shqiponjë në mes të Rusisë

Çfarë loje! Çfarë golash! Dhe gjithashtu festimet e dy sulmuesve Granit Xhaka dhe Xherdan Shaqiri krijuan hapësirë për debat

Keystone

Granit Xhaka pas ndeshjes në Televizion shtetëror zviceran SRF deklaroi: “Këto ishin emocione të pastra! Çfarë duhet të them. 15 minutat e para nuk kemi qenë fare në lojë. Serbia bëri një punë të mirë, kishte shumë shanse. Në pauzë ishim në kabinë, duke bërtitur dhe të mllefosur. Dhe pastaj një reagim i tillë në pjesën e dytë. Skuadra mori një hap të madh përpara në aspektin mendor. Kështu që ne mund të tregojmë një reagim të tillë kundër çdo kundërshtari. E pabesueshme! 2: 1! Sot është vetëm një ditë e mrekullueshme! Për mua, sigurisht, një lojë shumë e veçantë. Mijëra njerëz, familja nga Zvicra, nga Shqipëria, nga Kosova më shkruan. Këtë fitore ia dedikoj familjes time, e cila gjithnjë më përkrah. Festimi i golit nuk ishte ndonjë mesazh ndaj kundërshtarit. Sinçerisht, nuk më interesonte fare. Kjo shenjë ishte për njerëzit që gjithmonë më mbështetën. Ata që nuk më lanë asnjëherë poshtë. Në atdheun tim, atje ku janë rrënjët e prindërve të mi. Ata ishin vetëm emocione të pastra”, shkruan albinfo.ch.

Xherdan Shaqiri pas ndeshjes në SRF: “Ne kemi treguar moral të madh dhe e merituam fitoren. Që dikush pret diçka vendimtare nga unë, nuk është asgjë e re. Jam i lumtur me angazhimin në lojë. Për lojërat e mëdha duhet qenë në vendngjarje. Dhe ne ishim atje si një ekip. Jam shumë i lumtur që me një gol ia dhurova fitoren Zvicrës. Për fishkëllimat kundër meje? Ato që dëgjoheshin në tribuna, ishte diçka e pabesueshme. Ne vetëm deshtëm të bëjmë punën tonë dhe kjo është ajo që ne e arritëm. Nuk bëhej fjalë për politikë, por për futboll”, përcjell tutje albinfo.ch.

Blerim Xhemaili pas ndeshjes në SRF: “Mendoj se luajtëm mirë, me përjashtim të 15 minutave të para. Ne edhe një herë treguam karakter. Kjo dëshmon se çfarë qëndron në këtë ekip. Nuk ishim të kënaqur, gjatë pushimit, pati një betejë verbale. Unë gjithashtu pata mundësi për të shënuar gol. Më vjen keq, por nuk pata fat. Mendoj se me këtë fitore, kemi fituar shumë besim. Në këtë mënyrë mundtë arrijmë shumë larg”, transmeton tutje albinfo.ch.