Napolitano garanton mbështetje për Kosovën

Ambasadorja Gjonbalaj u prit me nderime të larta shtetërore në Pallatin Presidencial të Italisë

Ambasadorja e Republikës së Kosovës në Itali, Bukurije Gjonbalaj ia dorëzoi letrat  kredenciale presidenti italian Giorgio Napolitano. Ajo u prit me nderime të larta shtetërore në Pallatin Presidencial, ndërsa mori mbështetjen e presidentit Napolitano për Kosovën dhe perspektive evropiane të saj.

Në një bisedë miqësore, presidenti Napolitano, në praninë e bashkëpunëtorëve të tij dhe të ministrit për Çështje Regjionale, Turizëm dhe Sport në Qeverinë Italiane, Piero Gnudi, i uroi mirëseardhje ambasadores Gjonbalaj duke theksuar se marrëdhëniet e  shkëlqyeshme dypalëshe do të thellohen edhe më tej. Siç thuhet në njoftim të MPJ-së, presidenti Napolitano ka thënë se Italia, si gjithnjë deri më tani, do të vazhdojë të mbështesë Republikën e Kosovës në rrugën e saj drejt integrimeve evropiane. “Në fjalën e saj, Ambasadorja Gjonbalaj përcolli përshëndetjet e popullit të Kosovës, Presidentes së Republikës së Kosovës, Atifete Jahjaga dhe Kryeministrit të Republikës së Kosovës, Hashim Thaçi për Presidentin Napolitano dhe popullin italian|”, thuhet në njoftim,in e MPJ-së në Prishtinë. Ambasadorja Gjonbalaj ritheksoi vendosmërinë e Republikës së Kosovës që si një shtet sovran dhe demokratik të vazhdojë rrugën e saj për të qenë anëtare e plotë e familjes së madhe evropiane. Ajo po ashtu ka veçuar angazhimin e shtetit të Kosovës për avancimin e mëtutjeshëm të marrëdhënieve dypalëshe me Republikën e Italisë në të gjitha fushat.