Maqedonia
Maqedonia sjell protesta në Greqi – mbase së shpejti edhe zgjedhje të reja
Marrëveshja me Maqedoninë ka përçarë jo vetëm konservatorët grekë, por mund të çojë edhe në fund të koalicionit qeverisës mes të majtëve dhe të djathtëve, shkruan prestigjiozja “NZZ”.
Pas shumë përpjekjeve të partisë së majtë greke Syriza, ka bindur 320 artistë dhe intelektualë grekë që të nënshkruajnë një dokument i cili mbështet marrëveshjen e arritur mes Athinës dhe Shkupit.
“Ne, qytetarët e orientuar majtas, demokratik, progresivë,” kundërshtojmë përçarjet e brendshme politike në Greqi.
Në lidhje me zgjidhjen e kontestit të emrit, ata shkruajnë: “Është rruga e vetme, për ti dhënë fund irredentizmit në Ballkan.” Marrëveshja i jep fund “Monstrës së Fashizmit” në Greqi.
Mes nënshkruesve është artisti Giorgos Kimoulis, historiani Antonis Liakos, muzikanti Giorgos Koumentakis dhe komponisti Notis Mavroudis. Prestigjiozja zvicerane shkruan edhe për “përzierjen ruse” e cila ka financuar dhe mbështetur protestat greke, për të pamundësuar marrëveshjen që i hap rrugën euro-atlantike Shkupit zyrtar.
“Kundërshtarët e marrëveshjes për Maqedoninë janë mbi të gjitha deputetët e konservatores Nea Dimokratia (ND) të cilët ndihmojnë ndërhyrje turko-ruse,” përcjell albinfo.ch.
Megjithatë një pjesë e deputetëve të saj mbështesin marrëveshjen. Kjo ka sjellë edhe përçarje në partinë e ND, që dikur udhëhiqte Greqinë.
Për të përfunduar marrëveshja, njëherë duhet të mbahet referendumi në tetor në Maqedoni, ndërsa më pas të ndryshohet Kushtetuta në mes të janarit 2019. Atëherë duhet të aktivizohet qeveria greke, e cila, ka nevojë për 180 deputetë nga 300 për të ratifikuar marrëveshjen.
Deri tani edhe qeveria mes të majtëve dhe të djathtëve në Greqi, ka kaluar mes debateve të brendshme dhe dorëheqjeve nga partia e Panos Kammenos (ANEL). Kjo e fundit kundërshton marrëveshjen e Prespës. Dy të tretat e grekëve kundërshtojnë marrëveshjen dhe për këtë shumë parti mundohen ta shfrytëzojnë “Jo”-në.
Kjo mund të dërgojë Greqinë në zgjedhje të parakohshme parlamentare në 26 maj, kur janë edhe zgjedhjet e përgjithshme europiane. Greqia ka marrë kreditin e fundit europian dhe Syriza ka gjasa që të formojë e vetme qeverinë, përcjell albinfo.ch.
“Me deputetët e Syriza, disa konservatorëve, partisë qytetare To Potami dhe deputetët e pavarur mundet që parlamenti grek të ratifikojë ndryshimet kushtetuese,” shkruan në fund “NZZ”.
Të tjera nga Maqedonia
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Zgjedhjet Evropiane 2024: Një e katërta e popullsisë zvicerane ka të drejtë vote Ka më shumë votues të BE-së që jetojnë në Zvicër sesa në disa shtete anëtare. Por...
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?